- Auglýsing -
FH heldur sínu striki í Grill66-deild kvenna í handknattleik. Í dag lentu FH-ingar í kröppum dans gegn ungmennaliði HK í Kórnum en tókst að vinna með minnsta mun, 29:28, eftir að hafa verið fjórum mörkum yfir í hálfleik, 17:13.
FH heldur þar með áfram toppsæti deildarinnar sem liðið náði fyrir helgina með sigri á Fjölni/Fylki í Dalhúsum. Selfoss og ÍR, sem eru í keppni við FH um efsta sætið, hafa leikið færri leiki. FH er með 26 stig eftir 16 leiki en Selfoss er með 23 stig í öðru sæti eftir 13 leiki. ÍR er með sama leikjafjölda og 21 stig í þriðja sæti. ÍR og Selfoss mætast annað kvöld í Austurbergi.
HK er með níu stig í áttunda sæti eftir 12 leiki. Sem fyrr segir fengu FH-ingar harða mótspyrnu frá HK-liðinu að þessu sinni en tókst að kreista fram eins marks sigur. Hluti af leikmönnum HK-liðsins í dag stóð í eldlínunni með HK í leik í Olísdeildinni í gær.
Mörk HK U.: Alfa Brá Oddsdóttir Hagalín 10, Embla Steindórsdóttir 7, Leandra Náttsól Salvamoser 3, Amelía Laufey Miljevic 2, Hekla Fönn Vilhelmsdóttir 2, Margrét Guðmundsdóttir 2, Jóhanna Lind Jónasdóttir 1, Kristín Guðmundsdóttir 1.
Mörk FH: Ragnhildur Edda Þórðardóttir 7, Hildur Guðjónsdóttir 6, Fanney Þóra Þórsdóttir 6, Sigrún Jóhannsdóttir 3, Karen Hrund Logadóttir 3, Emma Havin Sardarsdóttir 3, Ivana Meincke 1.
Stöðu og næstu leiki í Grill66-deild kvenna má sjá hér.
- Auglýsing -
