Einar Sverrisson og félagar í Selfossliðinu standa vel að vígi. Mynd/Selfoss/SÁ

Selfoss er í góðri stöðu fyrir síðari leikinn við Stjörnuna í átta liða úrslitum Olísdeildar karla í handknattleik eftir tveggja marka sigur í fyrri viðureigninni í TM-höllinni í Garðabæ í kvöld, 26:24. Síðari leikurinn fer fram í Hleðsluhöllinni á Selfossi á föstudagskvöld og hefst klukkan 20.
Selfoss var með forystu nánast frá upphafi til enda í leiknum. Tveimur mörkum munaði í hálfleik, 12:10. Mestur varð munurinn fjögur mörk í síðari hálfleik.

Stjörnumenn reyndu hvað þeir gátu undir lokin. M.a. áttu þeir þess kost að jafna metin, 25:25, en Vilius Rasimas, markvörður Selfoss, sá við Degi Gautasyni. Einar Sverrisson skoraði 26. mark Selfoss í kjölfarið en það var jafnframt síðasta markið sem skorað var á fjölum TM-hallarinnar að þessu sinni.


Mörk Selfoss: Hafþór Már Vignisson 9/2, Björgvin Þór Hólmgeirsson 4, Tandri Már Konráðsson 3, Sverrir Eyjólfsson 3, Pétur Árni Hauksson 2, Leó Snær Pétursson 1, Dagur Gautason 1, Starri Friðriksson 1.
Varin skot: Adam Thorstensen 8, 29,6% – Sigurður Dan Óskarsson 1, 16,7% – Brynjar Darri Baldursson 0.
Mörk Selfoss: Ísak Gústafsson 7, Hergeir Grímsson 5/1, Einar Sverrisson 5/1, Atli Ævar Ingólfsson 3, Alexander Már Egan 2, Gunnar Flosi Grétarsson 2, Ragnar Jóhannsson 1, Nökkvi Dan Elliðason 1.
Varin skot: Vilius Rasimas 11/1, 31,4%.


Öll tölfræði leiksins hjá HBStatz.

- Auglýsing -

Nýjustu fréttir

- Auglýsing -