- Auglýsing -

Á sigurbraut á nýjan leik

Sandra Erlingsdóttir leikmaður EH Aalborg. Mynd/EH Aalborg Support

Eftir að hafa tapað um síðustu helgi þá lögðu Sandra Erlingsdóttir og samherjar í EH Aalborg síður en svo árar í bát. Þær hertu róðurinn og uppskáru öruggan sigur á útvelli í kvöld þegar þær sóttu TMS Ringsted heim. Álaborgarliðið vann með sjö marka mun, 27:20, og endurheimti þar með efsta sæti deildarinnar sem liðsmenn Hadsten höfðu tyllt sér í um stund.

Sandra skoraði tvö mörk í leiknum í kvöld í Ringsted og var að vanda í stóru hlutverki á báðum endum leikvallarins. EH Aalborg var sex mörk yfir þegar flautað var til hálfleiks, 17:11.

EH Aalborg hefur 18 stig að loknum 11 leikjum. Hadstein er einnig með 18 stig en hefur lokið 12 leikjum. Ringköbing er með 17 stig eftir 10 leiki og Ringsted er í fjórða sæti með 15 stig en hefur lokið 11 leikjum. Toppbaráttan verður áfram jöfn og spennandi í dönsku B-deild kvenna.

- Auglýsing -
- Auglýsing -

Nýjustu fréttir

- Auglýsing -