- Auglýsing -

Aðalsteinn aftur á toppinn

Aðalsteinn Eyjólfsson, þjálfari Kadetten Schaffhausen í Sviss. Mynd/Kadetten Schaffhausen

Kadetten Schaffhausen endurheimti í gærkvöld efsta sæti svissnesku efstu deildarinnar í handknattleik þegar liðið, sem er þjálfað af Aðalsteini Eyjólfssyni, vann gamla félagið sem Júlíus Jónasson lék lengi með við góðan orðstír, St Gallen, 31:25, á heimavelli sínum.

Aðalsteinn og félagar eru þar með komnir með 10 stig eftir sex leiki. Liðið tapaði fyrir viku fyrir HC Kriens og mátti þá sjá á bak efsta sætinu til Kriens. Í gær vann Pfadi Witherthur liðsmenn HC Kriens, 27:23. Þar með hefur HC Kriens 9 stig eftir sex leiki í öðru sæti. Pfadi er ekki langt á eftir með 8 stig að loknum fimm leikjum, liðið á semsagt leik inn á Kadetten og HC Kriens, en getur aldrei gert meira en jafnað metin við Kadetten-lið Aðalsteins.

Það stefnir þar með í spennandi toppbaráttu í svissnesku 1. deildinni, sem er leikin í nokkrum kapítulum yfir veturinn.

- Auglýsing -
- Auglýsing -

Nýjustu fréttir

- Auglýsing -