Mynd/HSÍ

Kristján Örn Kristjánsson fyrrverandi leikmaður Fjölnis og ÍBV lék í kvöld sinn fyrsta leik með franska liðinu PAUC sem hann gekk til liðs við í sumar. Því miður fyrir Kristján þá gekk leikurinn ekki sem skildi því lið hans tapaði, 30:25, fyrir baskneska Bidasoa Irun í 1. umferð Evrópudeildarinnar í handknattleik. Þar með eru Kristján og félagar úr leik í keppninni.

Liðin mættust aðeins einu sinni vegna þess að fyrir nokkru veiktust fimm leikmenn PAUC af kórónuveikinni. Fyrir vikið varð ekkert úr fyrri viðureigninni sem fram átti að fara um síðustu helgi. Ákveðið var að láta einn nægja.

Kristján Örn skoraði ekki mark að þessu sinni en átti þrjú skot á markið.

- Auglýsing -

Nýjustu fréttir

- Auglýsing -