Ævintýraleg varsla hjá Daníel Frey – myndskeið

Daníel Freyr Andrésson, markvörður sænska úrvalsdeildarliðsins Guif, átti frábæran leik gegn Alingsås í gærkvöldi, ekki síst í fyrri hálfleik þegar hann fékk aðeins á sig fimm mörk. Ein varsla Daníels Freys var hreint ævintýraleg og sögð markvarsla ársins í deildinni og jafnvel þótt víða væri leitað.

Leikmaður Alingsås komst einn gegn Daníel Frey og freistaði þess að skora með því að skrúfa boltann undir Daníel Frey sem kom æðandi út á móti. Daníel Freyr sá hinsvegar við þeim brögðótta og ljóst má vera að snerpan er næg hjá Hafnfirðingnum sem fær reyndar högg á andlitið í atganginum. Sjón er sögu ríkari á myndskeiðinu hér að neðan.