- Auglýsing -
Sara Dögg Hjaltadóttir skoraði tvö mörk þegar lið hennar, Volda, vann Grane Arendal, 26:24, á útivelli í dag í norsku B-deildinni í handknattleik. Volda-liðið lagði grunn að sigrinum í fyrri hálfleik þegar það yfirspilaði andstæðing sinn og var með sjö marka forskot að honum loknum, 15:8.
Volda er þar með komið upp í þriðja sæti deildarinnar, hefur níu stig að loknum sjö leikjum eins og Bærum. Follo er efst með 12 stig eftir sjö leiki. Grane Arendal er í fjórða sæti með sjö stig og því var sigurinn í dag afar mikilvægur fyrir Volda liðið, sannkallaður fjögurra stiga leikur.
Halldór Stefán Haraldsson er þjálfari Volda og Hilmar Guðlaugsson, fyrrverandi þjálfari HK og Selfoss og handknattleiksdómari, er Halldóri til aðstoðar.
- Auglýsing -
