Frá leik Aftureldingar og ÍR á Varmá í kvöld. Mynd/Raggi Óla

Afturelding vann uppgjör liðanna tveggja sem standa best að vígi í keppninni um farseðilinn upp í Olísdeild kvenna þegar ÍR kom í heimsókn að Varmá í kvöld. Fjögurra marka sigur var niðurstaðan, 26:22, eftir að einnig munaði fjórum mörkum að loknum fyrri hálfleik, 16:12. Þetta var annar sigur Aftureldingar á ÍR á leiktíðinni.

ÍR hafði unnið sex leiki í röð þegar kom að leiknum í Mosfellsbæ í kvöld.


Afturelding hefur þar með 16 stig að loknum 12 leikjum og er eftir sem áður í þriðja sæti deildarinnar á eftir ungmennaliðum Fram og Vals. ÍR-ingar eru tveimur stigum á eftir Aftureldingu og Grótta er þar á eftir, tveimur stigum frá ÍR.


ÍR-liðinu gekk illa að skora fyrsta markið í kvöld. Það tókst ekki fyrr en eftir um tíu mínútur. Eftir það var ÍR alltaf skrefinu á eftir Aftureldingu sem lék lengst af með sjö menn í sókn.


Markverðir beggja liða léku afar vel. Eva Dís Sigurðardóttir í marki Aftureldingar og Karen Ösp Guðbjartsdóttir í marki ÍR. Hún var með 40% hlutfallsmarkvörslu, varði 17 skot, þar af fjögur vítaköst.


Mörk Aftureldingar: Katrín Helga Davíðsdóttir 11, Susan Ines Gamboa 4, Ragnhildur Hjartardóttir 3, Anamaria Gugic 2, Telma Rut Frímannsdóttir 2, Drífa Garðarsdóttir 2, Birna Lára Guðmundsdóttir 1, Andrea Ósk Þorkelsdóttir 1.
Mörk ÍR: Ólöf Marín Hlynsdóttir 6, Matthildur Lilja Jónsdóttir 5, Hildur María Leifsdóttir 3, Stefanía Ósk Hafberg 3, Sylvía Jónsdóttir 2, Auður Valdimarsdóttir 2, Fanney Ösp Finnsdóttir 1.


- Auglýsing -

Nýjustu fréttir

- Auglýsing -