Katrín Helga Davíðsdóttir skoraði 9 mörk fyrir Aftureldingu í kvöld. Mynd/Raggi Óla

Afturelding heldur ótrauð áfram á leið sinni upp í Olísdeild kvenna. Alltént bendir fátt til annars eftir að keppni hófst í Grill 66-deild kvenna í kvöld og Afturelding lagði Selfoss örugglega að velli, 28:22, á Varmá. Selfossliðið stóð í Mosfellingum í fyrri hálfleik og var staðan jöfn, 12:12, eftir 30 mínútur.


Í síðari hálfleik skildu leiðir og Aftureldingarliðið með Katrínu Helgu Davíðsdóttur í miklum ham tryggði sér sex marka sigur. Afturelding er nú með 20 stig og er fjórum stigum á undan Gróttu fyrir endasprettinn í deildinni sem vonandi verður hægt að leiða til lykta. Selfoss rekur lestina sem fyrr, hefur fjögur stig eftir 14 leiki en liðið hefur mátt glíma við ýmis áföll í vetur vegna meiðsla leikmanna.


Mörk Aftureldingar: Kartín Helga Davíðsdóttir 9, Anamarija Gugic 4, Brynja Rögn Ragnarsdóttir 3, Ragnhildur Hjartardóttir 3, Susan Ines Gamboa 3, Telma Rut Frímannsdóttir 3, Drífa Garðarsdóttir 2, Birna Lára Guðmundsdóttir 1.
Mörk Selfoss: Tinna Sigurrós Traustadóttir 10, Elínborg Katla Þorbjörnsdóttir 5, Agnes Sigurðardóttir 4, Elín Krista Sigurðardóttir 2, Emilía Ýr Kjartansdóttir 1.

Staðan í Grill 66-deild kvenna.

- Auglýsing -

Nýjustu fréttir

- Auglýsing -