- Auglýsing -
Afturelding hefur tryggt sér krafta handknattleiksmarkvarðarins Jovan Kukobat næstu þrjú árin, eftir því sem segir í tilkynningu á Facebook-síðu handknattleiksdeildar félagsins.
Kukobat lék með Víkingi í Olísdeildinni í vetur en hefur verið hér á landi um árabil og verið markvörður KA, Þórs og Akureyri handboltafélags. Kukobat hefur þar af leiðandi langa reynslu af íslenskum handknattleik.
Samkvæmt samantekt tölfræðiveitunnar HBStatz var Kukobat með 31,4% hlutfallsmarkvörslu í Olísdeildinni á nýliðinni leiktíð. Víkingur féll úr deildinni á dögunum.
Andri Sigmarsson Scheving var aðalmarkvörður Aftureldingar í vetur. Hann er hjá félaginu á lánasamningi frá Haukum.
- Auglýsing -
