Ágúst Þór Jóhannsson leggur leikmönnum U17 ára landsiðsins lífsreglurnar. Mynd/Dagur

Ágúst Þór Jóhannsson, aðstoðarþjálfari A-landsliðs kvenna, og Eyjamærin Elísa Elíasdóttir verða á ferð og flugi næstu daga. Þau fór út með landsliðinu til Svíþjóðar í morgun og taka þátt í leiknum við Svía í undankeppni EM á fimmtudagskvöld. Í morgunsárið á föstudaginn leggja þau land undir fót og fara til móts við U18 ára landsliðið í Kolding á Jótlandi en liðið kemur til Danmerkur á fimmtudaginn til tveggja vináttuleikja við Dani.


Elísa leikur fyrri vináttuleik U18 ára landsliða Íslands og Danmerkur á föstudaginn og Ágúst Þór verður við stjórnvölin enda þjálfari liðsins.

Daginn eftir fara Ágúst og Elísa út á Kastrup og taka flugið heim til Íslands svo þau geti tekið þátt í leik A-landsliðs kvenna gegn Serbíu í undankeppni EM sem fram fer í Schenkerhöllinni á Ásvöllum klukkan 16 á sunnudaginn.

Árni Stefán Guðjónsson og Jóhann Ingi Guðmundsson, aðstoðarþjálfarar stýra U18 ára liðinu í seinni viðureigninni á laugardag. Báðir leikir verða í Kolding á Jótlandi.

Ágúst Þór heldur á ný út þegar hallar inn á næstu viku. Þá fer hann með kvennalið Vals til Serbiu þar sem það tekur þátt í Evrópubikarkeppninni um aðra helgi.

- Auglýsing -

Nýjustu fréttir

- Auglýsing -