Áki Egilsnes, KA. Mynd/Egill Bjarni Friðjónsson

Færeyski handknattleiksmaðurinn Áki Egilsnes, sem verið hefur í herbúðum KA frá árinu 2017 við góðan orðstír kveður félagið eftir keppnistímabilið. Fréttavefurinn akureyri.net segir frá brotthvarfi Áka í gær.


Ákvörðun Áka að söðla um er ekki komin til vegna komu nýrra leikmanna til KA sem sagt var frá í byrjun vikunnar en m.a. bætist Einar Rafn Eiðsson í hópinn. Hann leikur sömu stöðu á leikvellinum og Færeyingurinn. Áki mun hafa tilkynnt forráðamönnum KA það fyrir nokkru síðan að hann ætlaði að breyta til í sumar eftir fjögur góð ár á Akureyri sem einn burðarása KA-liðsins.


Eftir því sem næst verður komist hyggst Áki ekki leika hér á landi á næsta keppnistímabili. Annað hvort fer hann heim til Færeyja eða þá til Danmerkur. Áki lék með VÍF í Vestmanna áður en hann gekk til liðs við KA.

Þrír nýir á leiðinni en Áki fer í sumar – frétt akureyri.net.

- Auglýsing -

Nýjustu fréttir

- Auglýsing -