Alexander var öflugur

Alexander Petersson er sagður á leið til MT Melsungen. Mynd/EPA

Alexander Petersson náði sér vel á strik í kvöld þegar Rhein-Neckar Löwen vann ungverska liðið Tatabanya, 32:26, í D-riðli Evrópudeildarinnar í handknattleik. Leikurinn átti að fara fram í haust en var slegið á frest vegna hópsýkingar hjá ungverska liðinu. Ákveðið var að setja leikinn á dagskrá þegar ljóst varð að ekkert yrði úr viðureign Rhein-Neckar Löwen og Kadetten Schaffhausen annað kvöld vegna þess að leikmenn Kadetten eru í sóttkví.


Alexander skoraði sex mörk og var næst markahæstur í leiknum í Györ í kvöld. Ýmir Örn Gíslason skoraði ekki. Hann var hinsvegar kjölfesta í varnarleik Löwen-liðsins eins og í öðrum leikjum á leiktímabilinu. Ými Erni var einu sinni vísað af leikvelli í tvær mínútur.

Löwen var með yfirhöndina í leiknum frá upphafi til enda og hafði m.a. fimm marka forskot að loknum fyrri hálfleik, 21:16.


Mörk Tatabanya: Bence Zdolik 5, Gábor Ancsín 4, Dávid Debreczeni 4, Zsolt Balogh 2, Adrián Sipos 2 Stefan Sunajko 2, Bence Honryák 2, Milos Bozovic 1, Mátyás Gyori 1, Balázs Molnás 1.
Mörk RN-Löwen: Uwe Gensheimer 7, Alexander Petersson 6, Jerry Tollbring 4, Romain Lagarde 4, Andre Schmid 3, Jannik Kohlbacher 3, Niclas Vest Kirkelökke 2, Patrick Grötzki 1, Rafael Baena 1, Philipp Ahouansou 1.

Staðan í D-riðli:
RN-Löwen 6(3), Kadetten 3(2), Trimo Trebnje 2(1), GOG 2(3), Eurofarm Pelister 1(3), Tatabanya 0(2).

Níu leikir verða á dagskrá í Evrópudeildinni annað kvöld.

- Auglýsing -

Nýjustu fréttir

- Auglýsing -