- Auglýsing -

Alfreð fær aðra leiki í stað þeirra sem duttu upp fyrir

Alfreð Gíslason landsliðsþjálfari Þýskalands í handknattleik karla. Mynd/EPA

Alfreð Gíslason og lærsveinar hans í þýska landsliðinu hafa fengið aðra vináttuleiki í stað þeirra sem duttu upp fyrir í gær eftir að covid smit kom upp hjá serbneska landsliðinu.


Þýska handknattleikssambandið greindi frá því fyrir stundu að bókaður hafi verið vináttulandsleikur við landslið Sviss á föstudaginn og viðureign við Frakka á sunnudaginn. Báðir leikir fara fram í Þýskalandi og verða leiknir fyrir luktum dyrum en sýndir í beint í sjónvarpi.

Leikirnir koma í stað viðureigna við Serba sem fyrirhugaðar voru á sömu dögum.


Leikirnir í Þýskalandi koma sér einnig vel fyrir landslið Sviss og Frakklands. Í gærkvöldi var fjögurra liða æfingamót í Sviss slegið af og á sunnudagskvöld var greint frá að tveir vináttuleikir Frakka og Egypta hafi verið teknir af dagskrá.

Alfreð er að byggja upp þýskt landslið fyrir EM eftir að hafa orðið að stokka talsvert upp í leikmannhópnum af ýmsum ástæðum.

- Auglýsing -
- Auglýsing -

Nýjustu fréttir

- Auglýsing -