Allt gekk á afturfótunum í seinni hálfleik

Lið Guif leiktíðina 2020/2021. Daníel Freyr Andrésson er í miðri neðstu röðinni í peysu númer 16. Mynd/Guif

Daníel Freyr Andrésson og samherjar í Guif fengu slæman skell á heimavelli í kvöld í sænsku úrvalsdeildinni í handknattleik þegar þeir tóku á móti liðsmönnum Hallby. Eftir jafnan fyrri hálfleik gekk flest á afturlöppunum í þeim síðari hjá leikmönnum Guif með þeim afleiðingum að þeir töpuðu með níu marka mun, 30:21.

Staðan í hálfleik var 13:12, Hallby í vil.

Daníel Freyr náði sér ekki á strik fremur en aðrir leikmenn Guif. Hann varði fimm skot sem gerir 25% hlutfallsmarkvörslu en hann stóð ekki allan leikinn í markinu.

Guif situr í sjöunda sæti deildarinnar af 15 liðum með fjögur stig eftir fjóra leiki en viðureignin í Eskilstuna í kvöld var sú fyrsta í fjórðu umferð. Hallby fagnaði hinsvegar sínum fyrsta sigri í deildinni og lyftist upp í 12. sæti.

IFK Kristianstad og Skövde deila toppsætinu með sex stig hvort eftir þrjá leiki.

- Auglýsing -

Nýjustu fréttir

- Auglýsing -