Alltof skammt gengið – taka þarf tillit til stærða íþróttahúsa

Mynd/ J.L.Long

Þorgeir Haraldsson, formaður handknattleiksdeildar Hauka, segir að nýja reglugerð heilbrigðisráðherra um að heimila allt að 200 manns aðgang að íþróttakappleikjum ekki breyta miklu fyrir Hauka fjárhagslega. Ekki sé mögulegt að selja almennum áhorfendum aðgang að leikjum karlaliða og kvennaliða Hauka fyrr en slakað verði ennþá meira á en nú verður gert.

„Við erum þegar með yfir 300 manns í bakvarðasveit okkar, Haukum í horni, sem greiðir til félagsins fast gjald  til deildarinnar á mánuði allan ársins hring. Það er sá hópur sem mun koma á heimaleiki okkar fyrst um sinn auk yngri iðkenda og okkar styrktaraðila. Reyndar er óljóst ennþá hvort börn eru inn í þessu tillögum eða ekki,“ sagði Þorgeir sem telur of skammt gengið í þeim afléttingum sem nú hafa verið ákveðnar. Þorgeir  segist vera mikill talsmaður sóttvarna og alls ekki verði slakað á klónni í þeim efnum í Schenkerhöllinni.

„Mér finnst alltof skammt gengið og taka hefði mátt tillit til þess að íþróttahúsin er misstór. Við erum til dæmis með hús sem rúmar 1.800 manns í sæti. Það mætti svo sannarlega horfa meira til að heimila ákveðnum prósentufjölda aðgang að hverju húsi að uppfylltum ákveðnum skilyrðum að sjálfsögðu í samræmi við 75% af hámarki líkamsræktarstöðva, sund og skíðastaða. Samkvæmt þessu er vafalaust hægt að koma málum þannig fyrir að 200 áhorfendur geti komist fyrir íþróttahúsi sem rúmar 500 áhorfendur. 

Ég er þeirra skoðunar að menn hefðu átt að gefa sér betri tíma til að vinna þessar tillögur og horfa til fleiri þátta. Þessi breyting mun ekki hjálpa okkur mikið félagslega en óbreyttar ekkert fjáhagslegum.

Það vakti undrun mína að á sama tíma var hægt að breyta reglum yfir nótt um aðgengi að skíðastöðum til þess að ferðalangar sem höfðu pantað gistingu úti á landi fyrir helgina sáu fram á að geta ekki komist að á skíðastöðum gætu haldið sínu striki,“ segir Þorgeir Haraldsson formaður handknattleiksdeildar Hauka. 

- Auglýsing -

Nýjustu fréttir

- Auglýsing -