Mynd/Egill Bjarni Friðjónsson

Þrjú mál voru á borði aganefndar Handknattleikssambands Íslands í kjölfar fyrstu leikja í Olísdeild karla og kvenna sem fram fóru fyrir og um síðustu helgi. Ekkert málanna þótti svo alvarlegt að þeir sem að þeim koma þurfa að sæta leikbanni. Þeir eru hinsvegar minntir á stighækkandi áhrif af útilokunum vegna leikbrota. Nokkuð sem ævinlega er gott að hafa á bak við eyrað.


Úrskurður aganefndar í dag:


„Hildigunnur Einarsdóttir leikmaður Vals hlaut útilokun með skýrslu vegna grófs leikbrots í leik ÍBV og Vals í Coca Cola bikar kvenna þann 15.9. 2021. Dómarar meta að brotið falli undir reglu 8:5 a). Með tilvísun í 10. grein reglugerðar HSÍ um agamál er það niðurstaða aganefndar að ekki skuli aðhafst frekar vegna málsins en vakin er þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.

Gísli Jörgen Gíslason leikmaður Víkings hlaut útilokun með skýrslu vegna grófs leikbrots í leik Víkings og ÍBV í Olís deild karla þann 17.9. 2021. Dómarar meta að brotið falli undir reglu 8:5 b). Með tilvísun í 10. grein reglugerðar HSÍ um agamál er það niðurstaða aganefndar að ekki skuli aðhafst frekar vegna málsins en vakin er þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.

Alexandra Líf Arnarsdóttir leikmaður HK hlaut útilokun með skýrslu vegna grófs leikbrots í leik Hauka og HK í Olís deild kvenna þann 18.9. 2021. Dómarar meta að brotið falli undir reglu 8:5 b). Með tilvísun í 10. grein reglugerðar HSÍ um agamál er það niðurstaða aganefndar að ekki skuli aðhafst frekar vegna málsins en vakin er þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.“

- Auglýsing -

Nýjustu fréttir

- Auglýsing -