Ásdís Þóra Ágústsdóttir handknattleikskona úr Val. Mynd/HSÍ

Rincón Fertilidad Málaga, liðið sem Valur mætir í Evrópubikarkeppni kvenna í handknattleik eftir rúman mánuð varð á sunnudaginn spænskur bikarmeistari í handknattleik. Rincón Fertilidad Málaga vann BM Elche Visistelche, 24:20, í úrslitaleik. Ef frá eru skildar upphafsmínúturnar þá voru leikmenn Rincón Fertilidad Málaga með tveggja til fjögurra marka forskot frá upphafi til leiksloka.

Sem fyrr segir mætir Valur Rincón Fertilidad Málaga-liðinu í annarri umferð Evrópubikarsins í næsta mánuði. Ráðgert er að fyrri leikurinn verði á Spáni helgina 10. og 11. otkóber og síðari viðureignin í Origo-höllinni á Hlíðarenda viku síðar.

Áhugasamir geta hér að neðan smellt á rúmlega þriggja mínútna samantekt frá úrslitaleiknum á sunnudaginn og séð e.t.v. hvað bíður Valsliðsins eftir ríflega mánuð.

- Auglýsing -

Nýjustu fréttir

- Auglýsing -