Anna Úrsúla bætist í hópinn fyrir síðari leikinn

Íslenska landsliðið kvennalandsliðið mætir Slóvenum í Schenkerhöllinni annað kvöld. Mynd/HSÍ

Arnar Pétursson, landsliðsþjálfari í handknattleik kvenna, hefur bætt Önnu Úrsúlu Guðmundsdóttur, leikmanni Vals, við landsliðshópinn sem æfir nú hér heima fyrir síðari leikinn gegn Slóveníu.

Anna Úrsúla var ekki í leikmannahópnum í fyrri viðureigninni við Slóvena í Ljubljana á laugardaginn. Hún á 101 landsleik að baki og hefur skoraði 221 mark í þeim leikjum.

Íslenska landsliðið mætir Slóvenum í seinni leik þjóðanna um laust sæti á HM 2021 í Schenkerhöllinni á Ásvöllum annað kvöld og verður flautað til leiks klukkan 19.45.

Áhorfendum verður ekki heimill aðgangur að leiknum sem verður sýndur í beinni útsendingu á RÚV.

- Auglýsing -

Nýjustu fréttir

- Auglýsing -