Róbert Sighvatsson þjálfari Kórdrengja t.v. og Hinrik Geir, forsvarsmaður handknattleiksliðs Kórdrengja. Mynd/Kórdrengir

Kórdrengirnir undirstrikuðu svo sannarlega tilverurétt sinn í Grill66-deild karla í dag þegar þeir unnu annan leik sinn í deildinni á keppnistímabilinu. Kórdrengir unnu Vængi Júpiters með fjögurra marka mun, 26:22, á heimavelli sínum, íþróttahúsinu í Digranesi.


Kórdrengir voru tveimur mörkum yfir að loknum fyrri hálfleik, 12:10. Vængirnir voru á eftir frá upphafi til enda. Þeir eru þar með áfram á botni deildarinnar án stiga. Lið Kórdrengja hefur unnið tvo fyrstu heimaleiki sína og geta vel við unað enn sem komið eru.


Mörk Kórdrengja: Eyþór Hilmarsson 8, Guðfinnur Þorgeirsson 3, Þorlákur S. Sigurjónsson 3, Matthías Daðason 3, Egill Björgvinsson 3, Þórir Bjarni Traustason 2, Stefán Mickael Sverrisson 2, Tómas Helgi Wehmeier 1, Arne Karl Wehmeier 1.
Mörk VJ.: Sigþór Gellir Michaelsson 7, Brynjar Jökull Guðmundsson 4, Andri Hjartar Grétarsson 3, Hlynur Már Guðmundsson 2, Albert Garðar Þráinsson 2, Gísli Steinar Valmundsson 2, Jónas Eyjólfur Jónsson 1, Stefán Hinriksson 1.

Staðan í Grill66-deild karla er hér.

- Auglýsing -

Nýjustu fréttir

- Auglýsing -