Fram vann annan leik sinn í röð í Olísdeild karla í handknattleik í kvöld þegar þeir lögðu Þór Akureyri í Íþróttahöllinni á Akureyri, 22:19. Þór var marki yfir að loknum fyrri hálfleik 10:9. Fram-liðið tók völdin í síðari hálfleik og voru með tveggja til þriggja marka forskot allan hálfleikinn á enda.
Lárus Helgi Ólafsson markvörður Fram átti enn einn stórleikinn í kvöld. Hann var með um 44% hlutfallsmarkvörslu og munar svo sannarlega um minna í nokkuð jöfnum leik.
Með þessum sigri komst Fram upp í sjötta sæti deildarinnar með sjö stig eftir sjö leiki. Þór er næst neðstur með tvö stig.
Mörk Þórs: Ihor Kopyshynskyi 5/3, Arnór Þorri Þorsteinsson 4, Þórður Ágústsson 3, Garðar Már Jónsson 3, Aron Hólm 2, Sigurður Kristófer Skjaldarson 2.
Varin skot: Jovan Kukobat 11 skot, 33,3% .
Mörk Fram: Ólafur Jóhann Magnússon 5, Þorvaldur Tryggvason 3, Vilhelm Poulsen 3, Rógvi Christansen 2, Kristófer Dagur Sigurðsson 2, Þorgrímur Smári Ólafsson 2, Stefán Darri Þórsson 2, Sigurður Örn Þorsteinsson 1, Breki Dagsson 1, Kristinn Hrannar Bjarkason 1.
Varin skot: Lárus Helgi Ólafsson 14 skot, 43,8%.
