Kristján Örn Kristjánsson, Donni. Mynd/PAUC

PAUX, Aix, lið Kristjáns Arnar Kristjánssonar, Donna, vann í kvöld annan leik sinn í frönsku 1. deildinni í handknattleik þegar liðið sótti Créteil heim. Sigur PAUC vann sannfærandi en þegar upp var staðið munaði fjórum mörkum á liðunum, 31:27. Einnig var fjögurra marka munur á liðunum eftir fyrri hálfleik, 18:14.

Þetta var annar sigur PAUC á útivelli en liðið hefur enn ekki leikið á heimavelli á keppnistímabilinu vegna kórónuveirunnar.

Donni lék afar vel eins og fyrri leikjum sínum til þessa með PAUC. Hann skoraði fjögur mörk að þessu sinni og brást bogalistin tvisvar sinnum.

Liðin í frönsku 1. deildinni hafa leikið mismarga leiki fram til þessa. PAUC er í 6. sæti með 4 stig eftir þrjá leiki. PSG er efst með átta stig að loknum fjórum leikjum og Nantes er næst á eftir með sjö stig. Sum liðanna í deildinni hafa lokið fimm leikjum, önnur fjórum og enn önnur þremur.

- Auglýsing -

Nýjustu fréttir

- Auglýsing -