- Auglýsing -
Halldór Jóhann Sigfússon og félagar hans í Holstebro unnu Lemvig á sannfærandi hátt á útivelli í dönsku úrvalsdeildinni í handknattleik í kvöld, 26:23. Þetta var annar sigur Holstebroliðsins í röð í deildinni en um var að ræða fjórða leik liðsins. Holstebro situr í áttunda sæti.
Daníel Freyr Andrésson, markvörður Lemvig, kom ekkert við sögu í leiknum. Lemvig hefur farið illa af stað í deildinni og er án stigs eða stiga eftir fjórar viðureignir. Færeyingurinn Vilhelm Poulsen, sem lék með Fram, skoraði eitt mark fyrir Lemvig og gaf þrjár stoðsendingar.
Erfitt hjá Steinunni og Lovísu
Steinunn Hansdóttir skoraði eitt mark þegar Skanderborg tapaði í heimsókn sinn til Ajax í Kaupmannahöfn, 28:22.
Lovísa Thompson var einnig í tapliði í kvöld. Hún náði ekki að skora í þremur tilraunum þegar Ringkøbing Håndbold tapaði með 13 marka mun fyrir ríkjandi meisturunum Odense Håndbold, 36:23. Leikurinn fór fram í Óðinsvéum.
Ringkøbing rekur lestina í deildinni ásamt SønderjyskE. Bæði lið eru án stiga eftir fjórar umferðir. Steinunn og félagar í Skanderborg hafa unnið sér inn eitt stig.
handbolti.is nýtur ekki opinbers rekstrarstuðnings.
- Auglýsing -
