Anton smitaðist og Jónas er farinn heim

Dómararnir Jónas Elíasson og Anton Gylfi Pálsson dæma ekki fleiri leiki á EM. Mynd/Aðsend

Anton Gylfi Pálsson dómari greindist með kórónuveiruna á sunnudaginn og er í einangrun á hótelherbergi í Bratislava í Slóvakíu. Hann segir frá þessu á Facebook-síðu sinni. Félagi Antons, Jónas Elíasson, er farinn heim og ljóst að þátttöku þeirra á Evrópumótinu er lokið að þessu sinni.

Anton Gylfi losnar úr einangrun um leið og hann fær neikvætt sýni. Honum líður vel miðað við aðstæður og segir vel um sig hugsað af hálfu þeirra er stýra dómaramálum EHF.


Anton og Jónas dæmdu leik Rússa og Litáa í riðakeppni mótsins. Þeir áttu að dæma leik á síðasta sunnudag og mánudag en það féll um sjálft sig eftir að veiran knúði dyra hjá Antoni.

- Auglýsing -

Nýjustu fréttir

- Auglýsing -