Mynd/Neistin

Arnar Gunnarsson og lærisveinar hans í Neistanum eru áfram taplausir í færeysku úrvalsdeildinni í handknattleik eftir að sjöttu umferð lauk í dag með sannkölluðum toppslag H71 og Neistans í Hoyvikurhöllinni, heimavelli H71.

Viðureigninni lauk með jafntefli, 26:26, í hörkuleik þar sem Neistin var með eins marks forskot að loknum fyrri hálfleik, 14:13.

Finnur Hanson var ekki í leikmannahópi Neistans en var Arnari til halds og trausts á hliðarlínunni.

Neistin hefur þar með 10 stig í efsta sæti eftir sex umferðir. H71 er í öðru sæti með sjö stig að loknum fimm leikjum eins og VÍF frá Vestmanna sem vann Team Klaksvik í dag, 35:30. Hörður Fannar Sigþórsson og samherjar í KÍF frá Kollafirði eru í fjórða sæti með sex stig. Þeir unnu STíF í Skálum í gær eins og sagt var frá á handbolta.is í gærkvöld.

- Auglýsing -

Nýjustu fréttir

- Auglýsing -