Arnar Freyr verður Stjörnumaður

Arnar Freyr Ársælsson, leikur í búningi Stjörnunnar á næsta keppnistímabili. Mynd/J.L.Long

Hornamaðurinn Arnar Freyr Ársælsson hefur ákveðið að söðla um og kveðja og ganga þess í stað til liðs við Stjörnuna. Arnar Freyr hefur á undanförnum árum verið einn af betri vinstri hornamönnum Olísdeildarinnar. Arnar Freyr leysir væntanlega af hólmi Dag Gautason sem ákvað í vor að leika á ný með KA eftir tveggja ára veru í herbúðum Stjörnunnar.


Arnar Freyr gekk til liðs við KA fyrir ári en hafði áður leikið með FH og Fram. Arnar Freyr skorað 43 mörk í 21 leik með KA í Olísdeildinni í vetur og lék með liðinu í úrslitum Coca Cola-bikarsins í mars.


„Í gegnum árin hef ég fylgst með Arnari Frey spila og alltaf kunnað að meta hvernig hann spilar leikinn. Mikil orka og barátta sem skín í gegn inn á vellinum. Ég hlakka til að vinna með honum og veit að hann á eftir að standa sig vel í Garðabænum,“ segir Patrekur Jóhannesson þjálfari Stjörnunnar í tilkynningu á heimasíðu handknattleiksdeildar.


Einnig er þar af finna myndskeið af komu Arnars Freys í herbúðir Stjörnunnar.



- Auglýsing -

Nýjustu fréttir

- Auglýsing -