Mynd/Neistin

Neistin, sem Arnar Gunnarsson þjálfar, komst í dag í úrslit í færeysku bikarkeppninni í handknattleik karla. Neistin vann KÍF, 29:26, í síðari undanúrslitaviðureign liðanna í Þórshöfn í dag. Neistin vann einnig fyrri leikinn, 24:23, í Kollafirði um miðja vikuna.

Hörður Fannar Sigþórsson skoraði tvö mörk fyrir KÍF í dag. Staðan var jöfn að loknum fyrri hálfleik, 15:15.

Ríkjandi bikarmeistarar, H71 frá Hoyvík, komust naumlega í úrslit gegn Neistanum. H71 tapaði á heimavelli í dag fyrir STíF frá Skálum, 25:21, eftir að hafa unnið fyrri leikinn sem fram fór í Skálum, 26:22. H71 komst þar með áfram á fleiri mörkum skoruðum á útivelli.

Úrslitaleikur Neistans og H71 fer fram næsta laugardag. Arnar er einnig með 16 og 18 ára lið Neistans í úrslitum bikarkeppninnar þetta árið. Glæsilega gert hjá Arnari.

- Auglýsing -

Nýjustu fréttir

- Auglýsing -