Arnar og Davíð bæta við sig þjálfun hjá Gróttu

Davíð Örn Hlöðversson t.v. og Arnar Daði Arnarsson þjálfarar 3. flokka kvenna og karla hjá Gróttu. Mynd/Grótta

Arnar Davíð Arnarsson og Davíð Örn Hlöðversson hafa verið ráðnir þjálfarar 3. flokks karla og kvenna hjá Gróttu. Þeir eru þegar við þjálfun á meistaraflokksliðum karla og kvenna hjá félaginu.

Arnar Daði stýrir karlaliðinu annað tímabilið í röð í Olísdeildinni og Davíð Örn verður Kára Garðarssyni áfram til halds og trausts í meistaraflokki kvenna en liðið verður í Grill66-deildinni.


„Með ráðningu Arnars Daða og Davíðs Arnar kemst á frábær tenging milli meistaraflokka félagsins og elstu yngri flokkanna. Sú tenging hefur verið undanfarin ár hjá stelpunum en núna verður hún hjá báðum kynjum,“ segir m.a. í tilkynningu frá Gróttu sem greinir frá á næstu dögum hverjir þjálfa aðra yngri flokka deildarinnar á komandi keppnistímabili.

- Auglýsing -

Nýjustu fréttir

- Auglýsing -