Árni Bragi til Aftureldingar

Árni Bragi Eyjólfsson leikur með Aftureldingu á ný á næsta keppnistímabili. Mynd/Raggi Óla

Handknattleiksmaðurin Árni Bragi Eyjólfsson hefur samið við Aftureldingu til næstu þriggja ára frá og með næsta keppnistímabili.

Árni Bragi, sem er 26 ára gamall, lék um árabil með Aftureldingu og var í stóru hlutverki. Hann söðlaði um og gekk til liðs við Kolding í Danmörku sumarið 2019 og staldraði við í eitt ár. Árni Bragi gekk svo til liðs við KA á síðasta ári og er nú markahæsti leikmaður liðsins með 84 mörk í 14 leikjum í Olísdeildinni.

„Árni er mikill liðsmaður og er það gríðarlegt ánægjuefni fyrir félagið að fá Árna aftur heim á komandi tímabili,“ segir í tilkynningu sem birtist í kvöld á Facebook-síðu Handknattleiksdeildar Aftureldingar.

a>
- Auglýsing -

Nýjustu fréttir

- Auglýsing -