Arnór og félagar höfðu betur gegn Viktori og samherjum

Viktor Gísli Hallgrímsson, markvörður íslenska landsliðsins og danska liðsins GOG. Mynd/EPA

Arnór Atlason og félagar í Aalborg Håndbold eru í vænlegri stöðu eftir að hafa unnið Viktor Gísla Hallgrímsson og félaga á Fjóni í dag, 30:28, í fyrsta eða fyrri leik liðanna í undanúrslitum um danska mesistaratitilinn í handknattleik. Álaborgarliðið á titil að verja.

Aalborg var með frumkvæðið í leiknum frá upphafi til enda og sigurinn var öruggari en tölurnar gefa til kynna. Lengst af í síðari hálfleik var forskot Aalborg frá þremur og upp í sex mörk.


Viktor Gísli Hallgrímsson náði sér ekki á fyllilega á strik í marki GOG í dag Hann varði fjögur skot þann tíma sem hann stóð í markinu sem gerði um 20% hlutfallsmarkvörslu. Sören Haagen félagi Viktors Gísla var heldur ekki upp á sitt besta.


Arnór er aðstoðarþjálfari Aalborg-liðsins.
Liðin mætast öðru sinni í Álaborg á fimmtudagskvöld.

- Auglýsing -

Nýjustu fréttir

- Auglýsing -