Aron Dagur í sigurliði

Aron Dagur Pálsson leikmaður sænska úrvalsdeildarliðins Alingsås. Mynd /Alingsås

Aron Dagur Pálsson og samherjar hans í Alingsås unnu í dag sinn annan leik í röð í sænsku úrvalsdeildinni í handknattleik þegar þeir sóttu liðsmenn Ystads IF heim. Lokatölur 31:26, en það munaði tveimur mörkum á liðunum að loknum fyrri hálfleik, 14:12, Alingsås í vil.

Aron Dagur, sem er á sínu öðru keppnistímabili með liðinu, skoraði tvö mörk að þessu sinni. Þetta var annar sigur Alingsås í deildinni og með honum komst liðið m.a. upp fyrir andstæðinga sína í dag. Alingsås tapaði í fyrst umferð deildarinnar og situr nú í sjötta sæti deildarinnar af 15 liðum. Þau hafa enn ekki öll leikið þrisvar sinnum hvert.

- Auglýsing -

Nýjustu fréttir

- Auglýsing -