Aron Pálmarsson. Mynd/Barcelona

Allir leikmenn handknattleiksliðs Barcelona, Aron Pálmarsson þar á meðal, þjálfarar og starfsmenn eru komnir í tíu daga sóttkví. Félagið tilkynnti þetta á heimasíðu sinni í morgun.

Ástæða þessa er sú að þrír úr þessum hópi hafa greinst með kórónuveiruna á síðustu dögum. Ekki er gefið upp hverjir það eru en félagið tilkynnti á þriðjudaginn að Daninn Casper U. Mortensen hafi greinst með kórónuveiruna og væri kominn í eingangrun. Greinilegt er að fleiri hafa smitast af veirunni sem leikur lausum hala í Barcelona-borg eins og víðar.

Þar með er ljóst að Barcelona-liðið hvorki æfir né keppir á næstunni. Leik liðsins við Bidasoa Irun sem fram átti að fara í gær var frestað. Einnig hefur viðureign Veszprém og Barcelona á næsta miðvikudag verið slegið á frest um óákveðinn tíma. Sömu sögu er að segja af leik Barcelona við Benidorm sem átti að fara fram í spænsku 1. deildinni um næstu helgi.

- Auglýsing -

Nýjustu fréttir

- Auglýsing -