Aron og samherjar eru á leið til Kölnar

Aron Pálmarsson og samherjar í Barcelona ánægðir með að vera komnir í undanúrslit Meistaradeildarinnar. Mynd/EPA

Aron Pálmarsson og félagar í Barcelona eru komnir í undanúrslit Meistaradeildar Evrópu í handknattleik eftir öruggan sigur á Meshkov Brest frá Hvíta-Rússlandi, 40:28, í síðari leik liðanna í Barcelona í kvöld. Barcelona stóð afar vel að vígi eftir fjögurra marka sigur í Brest í síðustu viku og vann í tveimur leikjum, samtals 73:57.

Aron skoraði tvö mörk í kvöld og átti tvær stoðsendingar. Barcelona hefur þar með unnið allar átján viðureignir sínar í Meistaradeildinni á þessu keppnistímabili.


Franska liðið Nantes komst einnig í undanúrslit í kvöld þrátt fyrir tveggja marka tap fyrir Veszprém, 32:30, í Ungverjalandi. Nantes vann á heimavelli fyrir viku með fjögurra marka mun, 32:28.


Barcelona, Nantes, PSG og Aalborg taka þátt í úrslitahelgi Meistaradeildarinnar í Köln 12. og 13. júní.

a>
- Auglýsing -

Nýjustu fréttir

- Auglýsing -