Ásbjörn Friðriksson, FH-ingur, kunni vel við sig í Kórnum í kvöld. Mynd/J.L.Long

FH-ingar hrósuðu öðrum sigri sínum í Olísdeild karla í kvöld er þeir lögðu HK, 29:25, Olísdeild karla í handknattleik í upphafsleik 3. umferðar í Kórnum. FH hafði fimm marka forskot í hálfleik, 17:12, og var sigur liðsins aldrei í hættu.


Leikmenn HK byrjuðu með látum í kvöld og skoruðu þrjú fyrst mörkin áður en gestirnir úr Hafnarfirði sneru taflinu við. Jafnt og þétt unnu þeir sig inn í leikinn. Eftir stundarfjórðung voru FH-ingar komnir yfir. Þeir juku forskot sitt jafnt og þétt.


HK tókst að minnka muninn í tvö mörk snemma í síðari hálfleik, 18:16. Nær komust þeir ekki. Mestur varð munurinn sjö mörk þegar tæpar tíu mínútur voru til leiksloka.


Ásbjörn Friðriksson fór á kostum hjá FH. Hann skoraði 11 mörk í 13 tilraunum. Hornamaðurnn Birgir Már Birgisson var einnig öflugur með sjö mörk í tíu skotum.


Sigurjón Guðmundsson, markvörður, var bestur í liði HK ásamt Elíasi Björgvin Sigurðssyni.


Þetta var aðeins annar leikur HK í deildinni en liðið er án stiga eftir tvo heimaleiki, gegn KA og FH.


Mörk HK: Elías Björgvin Sigurðsson 6, Sigurður Jefferson Guarino 5, Hjörtur Ingi Halldórsson 5, Kristján Ottó Hjálmsson 4, Bjarki Finnbogason 2, Kári Tómas Hauksson 1, Arnór Róbertsson 1, Sigurvin Jarl Ármannsson 1.
Varin skot: Sigurjón Guðmundsson 15, 34,9%.
Mörk FH: Ásbjörn Friðriksson 11/4, Birgir Már Birgisson 7, Leonharð Þorgeir Harðarson 4, Jón Bjarni Ólafsson 3, Jakob Martin Ásgeirsson 2, Egill Magnússon 1, Jóhann Birgir Ingvarsson 1.
Varin skot: Phil Döhler 9, 26,5%.


Staðan og næstu leikir í Olísdeild karla er hér.

Alla tölfræði leiksins er að finna hjá HBStatz.

- Auglýsing -

Nýjustu fréttir

- Auglýsing -