Þorgeir Haraldsson, formaður handknattleiksdeildar Hauka, og Ásta Björt Júlíusdóttir. Mynd/Haukar

Ásta Björt Júlíusdóttir hefur gert samning við handknattleiksdeild Hauka um að leika með meistaraflokki félagsins næstu 3 árin frá og með næsta keppnistímabili. Ásta Björt kemur til liðs við Hauka frá ÍBV þar sem hún er uppalin og hefur leikið allan sinn feril.


Ásta Björt er 22 ára örvhent skytta en getur einnig leyst stöðu hægri hornamanns. Ásta hefur nú á tímabilinu skorað 43 mörk í Olís deildinni og hefur hún verið í stóru hlutverki undanfarin ár hjá góðu liði ÍBV en á síðasta tímabili skoraði hún 111 mörk í 18 leikjum.


„Það eru frábærar fréttir fyrir Hauka að fá Ástu til liðs við félagið en hún er metnaðarfullur leikmaður sem mun passa vel inn í okkar unga og efnilega lið. Hún eflir hópinn og styrkir okkur verulega hægra megin á vellinum,“ segir Gunnar Gunnarsson, þjálfari Hauka, í tilkynningu sem félagið sendi frá sér.

- Auglýsing -

Nýjustu fréttir

- Auglýsing -