Atli Ævar verður áfram í herbúðum Selfoss

Atli Ævar Ingólfsson var markahæstur leikmanna Selfoss í dag í öruggum sigri á Fram. Mynd/ Selfoss/SÁ

Línumaðurinn Atli Ævar Ingólfsson hefur framlengt samning sinn við handknattleiksdeild Selfoss til þriggja ára. Atli, sem er 32 ára Akureyringur, gekk til liðs við Selfoss árið 2017 og hefur síðan þá verið einn helsti leikmaður liðsins.


Atli Ævar varð Íslandsmeistari með Selfoss árið 2019. Hann hefur skorað 49 mörk í 14 leikjum í Olísdeildinni á þessari leiktíð.


Alti Ævar er þrautreyndur og var m.a. í Íslandsmeistaraliði HK vorið 2012 og lék eftir það með SönderjyskE og Nordsjælland í Danmörku auk Guif og Sävehof í Svíþjóð.

- Auglýsing -

Nýjustu fréttir

- Auglýsing -