Auður Ester bindur sig hjá Val til þriggja ára

Auður Ester Gestsdóttir hefur skrifað undir samning við Vals sem gildir til ársins 2025. Mynd/Valur

Handknattleikskonan Auður Ester Gestsdóttir hefur skrifað undir nýjan þriggja ára samning sem gildir út tímabilið 2025. Þetta kemur fram á Facebook-síðu Vals í dag.


Auður, sem leikur í hægra horni, er uppalinn Valsari sem var sigursæl í yngri flokkum félagsins og er nú að stimpla sig inn sem ein af lykilmönnum meistaraflokksins, segir ennfremur í tilkynningu Vals. Hún var á dögunum valin í B-landsliðið sem tók þátt í æfingamóti í Tékklandi.

Auður Ester hefur skoraði 32 mörk í níu leikjum Vals í Olísdeildinni en liðið er í öðru sæti deildarinnar, einu stigi og einum leik á eftir Fram.


„Auður hefur bætt sig jafnt og þétt síðastliðin ár og er orðin einn af lykilleikmönnum Vals. Hún hefur leikið feykilega vel það sem af er tímabili og heldur bara vonandi áfram á sömu braut. Þetta eru því góð tíðindi fyrir félagið,“ segir Ágúst Þór Jóhannsson, þjálfari kvennaliðs Vals í áðurnefndri tilkynningu handknattleiksdeildar Vals.

- Auglýsing -

Nýjustu fréttir

- Auglýsing -