Bætir við ári með FH-ingum

Emilia Ósk Steinarsdóttir, miðjumaður FH hefur framlengt saming sinn um eitt ár. Mynd/Brynja Trausta, FH

Emilía Ósk Steinarsdóttir hefur skrifað undir nýjan samning við handknattleiksdeild FH. Emilía Ósk sem er fædd árið 2003 var með samning við FH til 2022 en hefur nú bætt við einu ári, og er því samningsbundin fram á sumar 2023.


Emilía Ósk hefur skorað 36 mörk í 7 leikjum í Olísdeildinni á yfirstandandi tímabili. „Það eru gleðitíðindi að Emilía Ósk hafi bætt ári við samning sinn enda er hún einn efnilegasti leikmaður meistaraflokks kvenna. Við ætlum okkur að halda áfram að byggja upp meistaraflokk kvenna næstu árin og hlúa vel að okkar stúlkum. Það er fjölgun í yngri flokkum hjá okkur, margar efnilegar stelpur á leiðinni upp og Emilía Ósk er mikil fyrirmynd fyrir þær innan sem utan vallar þrátt fyrir að vera sjálf ung að árum. Við erum stolt af þeim öllum og þeirri vinnu sem er í gangi, og ætlum okkur stóra hluti í framtíðinni,” er haft eftir Ásgeiri Jónssyni formaður handknattleiksdeildar FH í tilkynningu.

- Auglýsing -

Nýjustu fréttir

- Auglýsing -