- Auglýsing -

Berserkir hafa síður en svo gefist upp

Þjálfari Berserkja og leikmenn ráða ráðum sínum. Mynd/Aðsend

Þrátt fyrir talsvert mótlæti og tap í níu fyrstu leikjum sínum í deildinni sýndu og sönnuðu nýliðar Berserkja í dag að þeir láta ekki deigan síga í keppninni í Grill66-deild karla í handknattleik. Í tíunda leik sínum í deildinni í dag þá lögðu Berserkir ungmennalið Aftureldingar, 31:28.


Leikið var að Varmá í Mosfellsbæ. Staðan var jöfn að loknum fyrri hálfleik, 16:16.


Jón Gunnlaugur Viggósson og Andri Berg Haraldsson sem alla jafna eru með Víkingsliðið í Olísdeildinni hlupu í skarðið fyrir Örn Inga Bjarkason þjálfara Berserkja sem var vant við látinn. Berserkir eru venslafélag Víkings.


Því miður þá hefur skýrslan frá leiknum ekki borist alla leið til Búdapest né inn í gagnagrunn HSÍ. Þar af leiðandi verður að telja upp markaskorara liðanna þegar og ef skýrslan kemur fram í dagsljósið.


Stöðuna í Grill66-deild karla og næstu leiki má sjá hér.

- Auglýsing -
- Auglýsing -

Nýjustu fréttir

- Auglýsing -