- Auglýsing -

Bikarhelgin slegin af

Ekki verða krýndir bikarmeistarar í danska karlahandboltanum þetta árið. Úrslitahelgi bikarkeppninnar, Santander Cup, hafði verið slegið á frest í nokkuru sinnum en á dögunum var ákveðið að hætta við allt saman. Upphaflega stóð til að leika undanúrslitaleikina og úrslitaleikinn í síðari hluta mars. Vegna kórónuveirunnar var ákveðið að fresta leikjunum þar til í maí. Þegar ástandið hafði ekki batnað mjög á þeim tíma var tekin ákvörðun um að leikirnir færu fram í lok september. Nú hafa þau áform verið slegin út af borðinu. 

Þetta mun vera í fyrsta sinn í 56 ár sem ekki verða krýndir bikarmeistarar í karlaflokki í Danmörku. 

Óðinn Þór Ríkharðsson og samherjar  í TTH (Team Tvis Holstebro) voru komnir í undanúrslit ásamt Skanderborg Håndbold, Berringbro/Silkeborg og GOG en með því liði leikur Viktor Gísli Hallgrímsson, landsliðsmarkvörður. Reyndar lék Óðinn Þór með GOG á síðasta vetri og átti þar af leiðandi að leika með liðinu í undanúrslitum í mars hefði ástandið verið venjulegt.

Þegar er byrjað að leika í bikarkeppninni fyrir tímabilið 2020/2021. Til stendur að úrslitahelgin verði haldin í lok mars á næsta ári. 

Áður en kórónuveiran tók að gera usla tókst að ljúka bikarkeppninni í kvennaflokki í Danmörku með sigri Herning/Ikast.

- Auglýsing -
- Auglýsing -

Nýjustu fréttir

- Auglýsing -