Brigir Steinn Jónsson var hetja Gróttuliðsins í dag þegar hann sá til þess að liðið fór með annað stigið í farteski sínu suður eftir heimsókn í KA-heimilið. Birgir Steinn jafnaði metinn, 25:25, rétt fyrir leikslok eftir æsilega spennandi leik.
Grótta hefur þar með tvö stig eftir þrjá leiki í deildinni en KA hefur krækt í fjögur stig eftir einn sigur og tvö jafntefli í síðustu leikjum sínum.
Grótta var með eins marks forystu í hálfleik, 12:11.
Árn Bragi Eyjólfsson var langmarkahæsti leikmaður KA með níu mörk. Allan Nordberg og Jóhann Geir Sævarsson voru næstir með fjögur mörk hvor.
Ólafur Brim Stefánsson og Andri Þór Helgason skoruðu fimm mörk hvor fyrir Gróttu. Fyrrnefndur Birgir Steinn skoraði þrisvar sinnum í leiknum eins og Daníel Örn Griffin sem kom til Gróttu í sumar eftir veru hjá KA.
