Bjarki Már Elísson er kominn á þekktar slóðir á lista yfir markahæstu leikmenn þýsku 1. deildarinnar í handknattleik. Bjarki Már varð markakóngur deildarinnar keppnistímabilið 2019/2020 og hafnaði í þriðja sæti á síðasta keppnistímabili þrátt fyrir að hafa misst úr leiki vegna veikinda.
Bjarki Már hefur verið í miklum ham í vetur og hefur skorað nærri sjö mörk að jafnaði í hverjum deildarleik Lemgo fram til þessa auk þess að hafa skorað mikið í þýsku bikarkeppninni og í leikjum Lemgo í Evrópudeildinni.
Ómar Ingi Magnússon, leikmaður SC Magdeburg, og markakóngur síðasta keppnistímabils er í fimmta sæti en með álíka mörg mörk að jafnað í leik og Bjarki Már. Ómar Ingi hefur leikið fjórtán leiki en Bjarki Már sextán.
Markahæstu leikmenn þýsku 1. deildarinnar þessa stundina áður en lokasprettur leikjadagskrár ársins hefst, en þétt verður leikið í deildinni næstu vikuna, eru:
Nafn, félag, fjöldi marka/þaraf vítaköst, leikjafjöldi er innan sviga:
Bjarki Már Elísson, Lemgo, 107/39 (16).
Niclas Ekberg, Kiel, 103/52 (16).
Hans Lindberg, F. Berlin, 100/56 (15).
Lenny Rubin, Wetzlar, 98/1 (17).
Ómar Ingi Magnússon, Magdeburg, 90/40 (14).
Simon Jeppsson, Erlangen, 88/3 (16).
Adam Lönn, Stuttgart, 86/3 (16).
Casper Mortensen, HSV Hamburg, 85/35 (17).
Marcel Schiller, Göppingen, 84/39 (15).
Christoph Steinert, Erlangen, 82/37 (14).
Tomas Urban, GWD Minden, 81/34 (16).
Kevin Gilliksen, Göppingen, 79/11 (16).
Ivan Martinovic, Hannover-Burgdorf, 79/4 (15).
Tom Skroblien, Lübbecke, 73/24 (15).
Niklas Weller, HSV Hamburg, 73/18 (17).
Julius Kühn, Melsungen, 72/0 (17).
Vladan Lipovina, Balingen, 71/18 (16).
Timo Kastening, Melsungen, 70/24 (17).
Hampus Wanne, Flensburg, 69/33 (10).
Jonathan Carlsborgadt, Lemgo, 67/0 16).
