Bjarni tekur við á nýjan leik

Mynd/Egill Bjarni Friðjónsson

Bjarni Fritzson hefur verið ráðinn þjálfari meistaraflokksliðs karla hjá ÍR. Hefur félagið gert við hann þriggja ára samning. Bjarni var einnig þjálfari ÍR-liðsins frá 2014 til 2020 og þekkir vel til í herbúðum þess.


ÍR vann sér sæti í Olísdeildinni í vor eftir að hafa staðið uppi sem sigurvegari í umspili.


Bjarna varð bikarmeistari með liði félagisns 2005. Hann var um árabil atvinnumaður í Frakklandi með Créteil og St. Raphaël. Einnig lék Bjarni með FH og Akureyri handboltafélagi. Til viðbótar var Bjarni í íslenska landsliðinu um skeið m.a. á EM 2008 og var til taks á Ólympíuleikunum í Beijing síðar sama ár.



„Það eru spennandi tímar framundan í Breiðholtinu og erum við gríðarlega ánægð með það að fá Bjarna til þess að leiða áfram þá vegferð sem liðið er á,“ segir Elín Freyja Eggertsdóttir formaður handknattleiksdeildar ÍR í tilkynningu sem send var út í morgun vegna ráðningar Bjarna.


Í tilkynningunni er Kristni Björgúlfssyni, fyrrverandi þjálfara meistaraflokks karla, þökkuð fyrir vel unnin störf síðastliðin tvö tímabil.


a>
- Auglýsing -

Nýjustu fréttir

- Auglýsing -