Baltic-deildarkeppnin verður með breyttu sniði á þessu keppnistímabili. Eingöngu félagslið frá Eystrasaltsríkjunum þremur taka þátt. Undanfarin ár hafa sterk lið frá Finnlandi, Hvíta-Rússlandi og Úkraínu spreytt sig í Baltic-keppninni en í sumar ákváðu þau að draga sig í hlé.
„Breytingin kemur eflaust niður á styrkleika keppninnar en á móti þá fá liðin tólf frá Eystrasaltslöndunum meira vægi. Við erum bjartsýnir á að með tímanum vaxi þessari keppni fiskur um hrygg, styrki liðin frá löndunum þremur og geri þau með tíð og tíma öflugri á alþjóðlegum vettvangi,“ sagði Kalmer Musting, þjálfari Serviti Pölva, eins af sterkari félagsliðum Eistlands.
Fjögur lið frá hverju Eystrasaltsríkjanna þriggja er skráð til leiks í Baltic-keppnina sem til stendur að hefjist í september og standi fram apríl og ljúki með glæsilegri fjögurra liða úrslitahelgi.
