Aron Pálmarsson verður frá keppni um nokkra vikna skeið. Mynd/EPA

Íslenska landsliðið í handknattleik karla leikur við Portúgal í fyrstu umferð riðlakeppni heimsmeistaramótsins sem fram fer í Egyptalandi í janúar. Lið þjóðanna ættu að þekkja vel hvort inn á annað þegar að leiknum kemur vegna þess að 6. og 9. janúar munu þau eigast við í undankeppni EM, fyrst ytra og síðan hér heima.

Fyrsti leikur Íslands á HM verður 14. janúar. Tveimur dögum síðar leikur liðið við Alsír og loks Marokkó hinn 18. janúar. Leikir íslenska landsliðsins í riðlakeppninni fara fram í New Capital Sports hall í Kaíró.

Komist íslenska liðið áfram í milliriðla, en þrjú af fjórum liðum riðlakeppninnar fara áfram í milliriðla, þá leikur Ísland dagana 20., 22., og 24. janúar. Andstæðingar verða landslið þriggja af eftirfarandi þjóðum, Frakkland, Noregur, Austurríki og einhver Ameríkuþjóð en undankeppni þar er ekki lokið vegna kórónuveirunnar.

- Auglýsing -

Nýjustu fréttir

- Auglýsing -