Byrjar næsta tímabil í leikbanni

spjald - mynd/Ívar

Eyþór Hilmarsson leikmaður Kórdrengja hefur næsta keppnistímabil í leikbanni eftir að hann var úrskurðaður í eins leiks bann á fundi aganefndar HSÍ í dag. Eyþór hlaut útilokun með skýrslu vegna grófs leikbrots, eins og segir í úrskurðinum, í síðari leik Kórdrengja og ÍR í undanúrslitum umspilsins Olísdeildar á sunnudaginn.


Kórdrengir hafa lokið keppni á Íslandsmótinu þess vegna sýpur Eyþór ekki seyðið af útilokuninni fyrir en á næstu leiktíð.


Ástæða leikbannsins er sú að þetta er í þriðja sinn á keppnistímabilinu sem Eyþór er útilokaður og þar með er litið til „stighækkandi áhrifa útilokana vegna slíkra brota,“ eins og segir í úrskurði aganefndar HSÍ í dag.


Elvar Þór Ólafsson leikmaður Fjölnis U slapp hinsvegar með skrekkinn að þessu sinni. Elvar Þór var útilokaður frá viðureign FjölnirsU og ÍBV U í 2. deild á mánudaginn. Hans syndaregister hjá aganefnd er hinsvegar ekki langt og þess vegna sleppur Elvar Þór en athygli hans er vakin á stighækkandi áhrifum útlokana vegna slíkra brota.

- Auglýsing -

Nýjustu fréttir

- Auglýsing -