Christiansen fylgir í kjölfar landa síns

Rógvi Dahl Christiansen, leikur ekki með Fram á næsta keppnistímabili. Mynd/Egill Bjarni Friðjónsson

Færeyski línumaðurinn Rógvi Dal Christiansen hefur leikið sinn síðasta leik með Fram eftir tveggja ára veru hjá félaginu. Þetta kemur fram í tilkynningu Fram. Óvíst er hvað tekur við hjá Christiansen, hvort hann leikur í heimalandinu eða í Danmörku á næsta keppnistímabili.


Christiansen fylgir þar með í kjölfar landa síns, Vilhelm Poulsen, sem fyrr á árinu samdi við danska úrvalsdeildarliðið Lemvig, eins og handbolti.is sagði frá.


Christiansen og Poulsen komu saman til Fram sumar 2020 og hafa sett mikinn svip á lið félagsins á þessum tíma.


Poulsen var á meðal markahæstu leikmanna í Olísdeildinni bæði tímabilin og var sá markahæsti í vetur þegar hann meiddist undir lokin. Christiansen skoraði 94 mörk í 38 leikjum í Olísdeildinni á tveimur keppnistímabilum. Báðir voru þeir í liði Fram sem lék til úrslita í Coca Cola-bikarnum á síðasta ári.

- Auglýsing -

Nýjustu fréttir

- Auglýsing -