Harpa Valey Gylfadóttir og Birna Berg Haraldsdóttir leikmenn ÍBV hressar í bragði. Mynd/Egill Bjarni Friðjónsson

Tveir leikir fara fram á Íslandsmótinu í handknattleik í kvöld. Í Vestmannaeyjum mætast ÍBV og HK í lokaleik níundu umferðar Olísdeildar kvenna klukkan 18.30. Til stóð að leikurinn færi fram á síðasta laugardag en honum varð að slá á frest vegna þess að ekki var hægt að sigla á milli lands og Eyja. Það á að takast í kvöld og þar með geta liðin í sjötta og sjöunda sæti Olísdeildarinnar leitt saman hesta sína.


Í Víkinni eigast við Víkingur og Afturelding klukkan 18.30. Um er að ræða síðasta leik í áttundu umferð Grill 66-deildar kvenna.


Að vanda verður leikið fyrir luktum dyrum en áhugasamir geta fylgst með leikjunum í beinni útsendingu á netinu í útsendingum á vegum ÍBV og Víkings. Bæði félög hafa á sínum snærum svokallaðar youtuberásir þar sem sendir eru út margir heimaleikir þeirra.


Olísdeild kvenna:
Vestmannaeyjar: ÍBV – HK, kl. 18 – sýnt á ÍBVtv.
Staðan í Olísdeildum.


Grill 66-deild kvenna:
Víkin: Víkingur – Afturelding, kl. 18.30 – sýndur á Víkingurtv.
Staðan í Grill 66-deildum.

- Auglýsing -

Nýjustu fréttir

- Auglýsing -