Dagskrá: Spenna í undanúrslitum – grannslagur í Firðinum

Leikmenn Gróttu og ÍR mætast í Grill66-deild kvenna á næsta keppnistímabili. Mynd/Eyjólfur Garðarsson

Fimm leikir verða á dagskrá í tveimur efstu deildum Íslandsmótsins í handknattleik. HK og Grótta geta tryggt sér sæti í úrslitum umspils um laust sæti í Olísdeild kvennna í dag. Að sama skapi geta leikmenn Fjölnis-Fylkis og ÍR tryggt sér oddaleiki í rimmunum með því að vinna leikina sem fram fara. HK vann öruggan sigur á Fjölni-Fylki á miðvikudagskvöld á sama tíma og Grótta og ÍR voru í jöfnum leik í Hertzhöllinni þar sem Grótta vann með minnsta mun, 16:15.

Haukar geta orðið deildarmeistarar í Olísdeild karla í kvöld nái þeir í stig í grannaslagnum við FH í kvöld á heimavelli sínum, Schenkerhöllinni á Ásvöllum. Haukar eru aðeins stigi frá því að verða deildarmeistarar í þrettánda sinn.


Grótta og Þór Akureyri hefja leik í 20. umferð Olísdeildar karla í Hertzhöllinni á Seltjarnarnesi klukkan 16. Þetta er áhugaverður leikur í botnbaráttunni enda fer hver að verða síðastur hjá Þór til að bjarga sér frá falli úr deildinni. Valur sækir Stjörnuna heima í TM-höllina klukkan 18 áður en flautað verður til leiks í grannaslagnum klukkan 20.


Undanúrslit umspils Olísdeildar kvenna, 2. umferð:
Dalhús: Fjölnir-Fylkir – HK, kl. 15. (0:1).
Austurberg: ÍR – Grótta, kl. 18. (0:1).

Olísdeild karla, 20. umferð:
Hertzhöllin: Grótta – Þór Ak., kl. 16 – sýndur á Gróttatv.
TM-höllin: Stjarnan – Valur kl. 18 – sýndur á Stöð2Sport.
Schenkerhöllin: Haukar – FH, kl. 20 – sýndur á Stöð2Sport.
Staðan í Olísdeild karla.

- Auglýsing -

Nýjustu fréttir

- Auglýsing -