Dagskráin: Aftur verður flautað til leiks

Mynd/Egill Bjarni Friðjónsson

Aftur verður flautað til leiks í Coca Cola-bikarnum í handknattleik í kvöld, 16-liða úrslitum. Fjórir leikir verða í kvennaflokki og einn í karlaflokki.


Í gærkvöld bættust Haukar, Valur, Víkingur, KA og Selfoss í hópinn með Þór Akureyri yfir þau lið sem þegar eru komin í átta liða úrslit í karlaflokki. Í kvöld bætist eitt lið við til viðbótar þegar viðureign Kórdrengja og ÍBV verður til lykta leidd.

Annað kvöld stóð til að síðasti leikur 16-liða úrslita í karlaflokki færi fram á milli Harðar og FH en leiknum var seinkað í byrjun vikunnar. Fram kemur hinsvegar á vef HSÍ í dag ekkert verði af leiknum á Ísfirði annað kvöld. Hefur hann verið settur á dagskrá á miðvikudaginn 23. febrúar.


Fram hefur þegar tryggt sér sæti í átta liða úrslitum í kvennaflokki auk Vals og ríkjandi meistara KA/Þórs sem sitja yfir í 16-liða úrslitum. Í kvöld skýrist hvað fjögur lið fylgja í kjölfarið. Viðureign FH og Stjörnunnar bíður fram á mánudag.

Leikir kvöldsins

Coca Cola-bikar kvenna, 16-liða úrslit:
Dalhús: Fjölnir/Fylkir – ÍBV, kl. 18 – sýndur á Fjölnirtv.
Varmá: Afturelding – HK, kl. 19.30 – sýndur á RÚV.
Sethöllin: Selfoss – Haukar, kl. 19.30 – sýndur á Selfosstv.
Austurberg: ÍR – Grótta, kl. 19.30.


Coca Cola-bikar karla, 16-liða úrslit:
Digranes: Kórdrengir – ÍBV, kl. 19.

Vinsamlegast sendið skilaboð á handbolti@handbolti.is ef leikirnir fyrir ofan verða sendir út á vegum félaganna. Sem stendur hefur handbolti.is aðeins upplýsingar um útsendingar frá tveimur viðureignum í kvöld.

- Auglýsing -

Nýjustu fréttir

- Auglýsing -